Аўсянік Антон (1888)

Дата нараджэння: 1888 г.
Імя па-руску: Овсяник Антон
Месца нараджэння: Віленская губ., Вілейскі павет, в. Кабылля (Мінская вобл., Вілейскі раён, в. Кастрычніцкая)
Пол: мужчына
Адукацыя: вышэйшая

Дата арышту: 1933 г.

Крыніцы дадзеных: Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. III, к. 1;

Біяграфія

Дзеяч бел. нацыянальна-дэмакратычнага адраджэння. Скончыў Харкаўскі тэхналагічны інстытут, вучыўся на суднабудаўнічым ф-це Пецярбургскага політэхнічнага інстытута. Дэлегат 1-га Усебеларускага кангрэса ў снеж. 1917. У час нямецкай і польскай акупацый 1918—19 старшыня Беларускай Рады ў Бабруйску, член Народнага сакратарыята БНР. У 1919—20 нам. старшыні Беларускай вайсковай камісіі. У 1922 пасол Польскага сейма, уваходзіў у Беларускі пасольскі клуб. Актыўны ўдзельнік нацыянальна-вызваленчага руху ў Зах. Беларусі, арыштоўваўся польскімі ўладамі. У пачатку 1930-х г. выехаў у БССР. Арыштаваны ў 1933. Далейшы лёс невядомы.