Вільтоўскі Браніслаў Міхайлавіч (1901)

Фармуляр зменены карыстальнікам, дадзеныя не пацверджаны дакументальна і патрабуюць праверкі.

Wiltowski main.jpg
  • Дата нараджэння: 1901 г.
  • Імя па-руску: Вильтовский Бронислав Михайлович
  • Варыянты імя: Wiltowski Bronisław
  • Месца нараджэння: Мiнская губ., Барысаўскi павет, Прусевiцкая вол., в. Начвiха
  • Пол: мужчына
  • Нацыянальнасць: паляк
  • Сацыяльнае паходжанне: сялянскае
  • Адукацыя: пачатковая
  • Прафесія / месца працы: машынiст, крухмальны завод № 6
  • Месца пражывання: БССР, Гомельская вобл., Жлобiнскi раён, Папаратнянскi с/ с, в. Эрштэрмай
  • Партыйнасць: б/ п
  • Дата расстрэлу: 10 кастрычнiк 1938 г.
  • Месца смерці: невядомае
  • Месца пахавання: невядомае

  • Дзе і кім арыштаваны: Жлобiнскiм РА НКУС БССР
  • Мера стрымання: утрыманне ў Гомельскай турме НКУС
  • Дата арышту: 29 чэрвень 1938 г.
  • Абвінавачанне: шпіянаж на карысць Польшчы, тэрарыстычная дзейнасць
  • Дата асуджэння: 25 верасень 1938 г.
  • Орган, які вынес прысуд: асобая тройка НКУС БССР, пратакол № 122
  • Артыкул: 68, 71 КК БССР
  • Прысуд: расстрэл
  • Дата рэабілітацыі: 11 кастрычнiк 1989 г.
  • Орган, які рэабілітаваў: ваенная пракуратура Беларускай вайсковай акругі
  • Падставы рэабілітацыі: падпадае пад дзеянне артыкула 1 Указа Прэзідыума ВС СССР ад 16 студзеня 1989 г.

  • Архіўная справа: 14888-с, УКДБ Гомельскай вобл. Нумар арыгiнальнай справы 1938 г.: 13930
  • Крыніцы дадзеных: даведка аб рэабiлiтацыi Вiльтоўскага Б.М. № 827ж ад 31 лiпеня 1990 г., выдадзеная Ваеннай пракуратурай Беларускай ВА

Біяграфія

ВIЛЬТОЎСКI Бранiслаў нарадзiўся ў пабожнай каталiцкай сям'i ў 1901 г. Бацька — Мiхал Тамашавiч, мацi — Тэкля Казiмiраўна з роду Нарушэвiчаў. Апроч Бранiслава ў сям'i былi дзецi: Анжэй, Юзэф, Вiнцэнт, Вацлаў, Уладыслаў, Вiкторыя (Вiкця), Гэлена, Веранiка, Мiхалiна (Мiхася). Сям'я жыла ў вёсцы Начвiха Барысаўскага раёну, перад Першай сусветнай вайной перабралiся ў Хатаевiчы. Валодалi 7 га зямлi.
Жонка Бранiслава ― Юльяна Аляксееўна Вiльтоўская, у дзявоцтве Кастрыцкая. Дачка Янiна, нарадзiлася ў 1937 г.


Бранiслаў Вiльтоўскi крайнi з правага боку

Пасля службы ў войску Бранiслаў Вiльтоўскi працаваў на крухмальным заводзе ў Плешчанiцах, з 1935 г. ― на крухмальным заводзе ў весцы Эрштэрмай Жлобiнскага раёну. Жыў разам з жонкай i дачкой у службовай кватэры.
Бранiслаў Вiльтоўскi быў арыштаваны Жлобiнскiм раённым аддзелам НКУС БССР на падставе даносу аднаго з суседзяў. Утрымлiваўся ў Гомельскай турме НКУС. Абвiнавачваўся ў супрацоўнiцтве з польскай выведкай. Асуджаны да ВМП асобай тройкай НКУС БССР. Расстраляны ў кастрычнiку 1938 г.
Месцы расстрэлу i пахавання лiчацца як невядомыя, але ёсць усе падставы меркаваць, што гэта — лес на паўдневай ускраiне Гомеля.
Вiльтоўскi Б.М. быў рэабiлiтаваны пасмяротна Ваеннай пракуратурай Беларускай ваеннай акругi ў кастрычнiку 1989 г.

Рэпрэсаваныя сваякі

Брат: Вільтоўскі Андрэй Міхайлавіч (1903)