Крошачкін Пётр Кузьміч (1879)

Пётр Крошачкін.jpg
  • Дата нараджэння: 19 снежань 1879 г.
  • Імя па-руску: Крошечкин Петр Кузьмич
  • Варыянты імя: Крошачкін Паўлін
  • Месца нараджэння: Пензенская губ., Макшанскі павет, с. Керанкова
  • Пол: мужчына
  • Нацыянальнасць: рускі
  • Сацыяльнае паходжанне: сялянскае
  • Адукацыя: вышэйшая духоўная
  • Прафесія / месца працы: Святар, архіепіскап
  • Месца пражывання: РСФСР, г. Масква
  • Дата расстрэлу: 3 лiстапад 1937 г.
  • Месца смерці: Кемераўскі ППЛ
Арышты
  • Дата арышту: 1922 г.
  • Дата асуджэння: 5 снежань 1922 г.
  • Прысуд: 5 гадоў пазбаўлення волі
  • Дата арышту: снежань 1926 г.
  • Дата вызвалення: красавiк 1927 г.
  • Дзе і кім арыштаваны: БССР, г. Магілёў
  • Дата арышту: 2 кастрычнiк 1935 г.
  • Абвінавачанне: Антысавецкая агітацыя, контррэвалюцыйная дзейнасць
  • Дата асуджэння: 21 красавiк 1936 г.
  • Орган, які вынес прысуд: Тройка НКУС
  • Прысуд: 10 гадоў ППЛ
  • Месца адбывання: РСФСР, Новасібірская вобл., Сібірскі канцлагер НКУС; Кемераўская вобл., Марыінскі ППЛ
  • Дата арышту: 28 верасень 1937 г.
  • Абвінавачанне: Стварэнне контррэвалюцыйнай групы
  • Дата асуджэння: 28 кастрычнiк 1937 г.
  • Орган, які вынес прысуд: Тройка НКУС
  • Прысуд: ВМП
  • Дата рэабілітацыі: 27 люты 1969 г.
  • Орган, які рэабілітаваў: Пленум Вярхоўнага суда БССР

Біяграфія

Паўлін Крошачкін (сапр. Пётр Кузьміч) - праваслаўны дзеяч, архіепіскап.

Нарадзіўся 9.12.1879 (паводле інш. звестак 19.12.1879) у Макшанскім павеце Пензенскай губ. Рускі. З сялянскай сям’і. Пасля сканчэння прыходскай школы, вучыўся ў гарадскім вучылішчы ў Макшанах. У 1895 паступіў у Сароўскую Пустынь. З 1898 у Мікола-Бабаеўскім манастыры Кастрамской губ., потым паслушнік Спаса-Якаўлеўскага — у Растове. У 1902 вярнуўся ў Мікола-Бабаеўскі манастыр. У 1904 прыняты ў Маскоўскі Нова-Спаскі манастыр. У 1911 паступіў экстэрнам у духоўную семінарыю, чатырохгадовы курс прайшоў на працягу года. У 1916 скончыў Маскоўскую духоўную акадэмію са ступенню кандыдата багаслоўя. У Маскоўскім Нова-Спаскім манастыры ўзведзены ў іераманаха з імем Паўлін. У 1919 накіраваны выкладчыкам у Грыгор’ева-Бізюкаў манастыр Херсонскай епархіі. Узведзены ў сан архімандрыта. У 1920 намеснік Нова-Спаскага манастыра. 15.5.1921 хіратанісаны ў епіскапа Рыльскага, вікарыя Курскай епархіі.

У 1925 арыштаваны органамі АДПУ і этапаваны ў Маскву. У зняволенні ў камеры-адзіночцы прабыў каля года.

Пасля вызвалення некаторы час жыў у Маскве ў знаёмых. З 27.10.1926 — епіскап Полацка-Віцебскі. Зноў арыштаваны ў снеж. 1926. Вызвалены ў 1927.

Атрымаў прызначэнне на Пермскую кафедру з тутылам епіскап Пермскі і Салікамскі. Са снеж. 1930 да восені 1933 епіскап Бароўскі Калужскай епархіі. У канцы жн. 1933 пераведзены ў Магілёўскую епархію з тытулам архіепіскап Магілёўскі. Карыстаўся усеагульнай любоўю прыхаджан і глыбокай пашанай мясцовага духавенства. Шмат каму дапамагаў матэрыяльна. Па дамоўленасці з епіскапам Філарэтам (Раменскім) у 1935 накіраваў мітрапаліту Сергію рапарт з хадайніцтвам аб далучэнні бел. аўтакефалістаў да кананічнай Царквы.

2.10.1935 арыштаваны органамі НКВД і пасаджаны ў Магілёўскую турму. Праз некаторы час пераведзены ў Мінскую ўнутраную турму НКВД. 21.4.1936 асуджаны тройкай НКВД з інш. свяшчэннаслужыцелямі і актыўнымі прыхаджанамі за «антысавецкую агітацыю» і «контррэвалюцыйную дзейнасць» да 10 гадоў ППК. Этапаваны ў Сібірскі канцлагер НКВД Новасібірскай вобл.

28.10.1937 лагернай тройкай прыгавораны да ВМП. Расстраляны. Рэабілітаваны 27.2.1969 пастановай пленума Вярхоўнага суда БССР. Групавая справа П. і інш. (усяго каля 30 чалавек) № 9394 захоўваецца ў архіве УКДБ Магілёўскай вобл. У 2000 на Юбілейным саборы РПЦ кананізаваны як свяшчэннамучанік.