Мікуліч Барыс Міхайлавіч (1912)

Барыс Мікуліч 2.jpg
  • Дата нараджэння: 19 жнiвень 1912 г.
  • Імя па-руску: Микулич Борис Михайлович
  • Месца нараджэння: г. Бабруйск
  • Пол: мужчына
  • Нацыянальнасць: беларус
  • Сацыяльнае паходжанне: службоўцы
  • Адукацыя: няск. вышэйшая
  • Прафесія / месца працы: Загадчык літаратурнага аддзела газеты «Літаратура і мастацтва».
  • Месца пражывання: БССР, г. Мінск, вул. Чырвоназорная, д. 7, кв. 2
  • Дата смерці: 17 чэрвень 1954 г.
  • Месца смерці: РСФСР. Краснаярскі край, с. Машукоўка
  • Дата арышту: 26 лiстапад 1936 г.
  • Абвінавачанне: Член контррэвалюцыйнай нацыяналістычна-фашысцкай арганізацыі; антысавецкая дзейнасць
  • Дата асуджэння: 5 кастрычнiк 1937 г.
  • Артыкул: 72; 76; 145 КК БССР
  • Прысуд: 10 гадоў ППЛ
  • Месца адбывання: РСФСР, Новасібірская вобл., г. Марыінск; РСФСР, Краснаярскі край, Рашоты
  • Дата вызвалення: 1946 г.
  • Дата рэабілітацыі: 29 снежань 1954 г.
  • Орган, які рэабілітаваў: Прэзідыум Вярхоўнага суда БССР

  • Дзе і кім арыштаваны: БССР, г. Бабруйск
  • Дата арышту: 28 красавiк 1949 г.
  • Дата асуджэння: 3 верасень 1949 г.
  • Орган, які вынес прысуд: Асобая нарада МДБ СССР
  • Прысуд: высылка
  • Месца адбывання: Краснаярскі край
  • Дата рэабілітацыі: 23 верасень 1955 г.
  • Орган, які рэабілітаваў: Вярхоўны суд БССР

Біяграфія

Барыс Мікуліч.jpg

Мікулічы Барыс Міхайлавіч - беларускі празаік, крытык.

Нарадзіўся у 1912 годзе ў Бабруйску. Пачаў публікавацца з 1927 (час. «Маладняк»). З 1928 член бабруйскай філіі «Маладняка». З 1929 працаваў у бабруйскай газ. «Камуніст». У 1930 пераехаў у Мінск. Працаваў карэктарам у Дзяржвыдавецтве БССР; стыльрэдактарам, адказным сакратаром у газ. «Літаратура і мастацтва». Потым зноў вярнуўся у выдавецтва на пасаду рэдактара. У 1930 вучыўся на творчым аддзяленні МВПІ; у 1934—35 на літаратурных курсах у Маскве. Член СП Беларусі з 1934. У 1936 чытаў курс гісторыі літаратурных жанраў і гісторыі нарыса ў Інстытуце журналістыкі (Мінск). Да 1936 выдаў 7 мастацкіх кніг.

Арыштаваны 26.11.1936. Асуджаны на 10 гадоў зняволення. У 1937 пераведзены ў Марыінск Новасібірскай вобл., у 1938 — у Рашоты Краснаярскага краю. У 1943 пераведзены ў катэгорыю ссыльных.

Пасля вызвалення ў 1946 пераехаў у Ашхабад да старэйшай сястры Кацярыны, нягледзячы на тое, што яму было забаронена жыць у сталіцах. У 1947 вярнуўся ў Беларусь. Жыў у Бабруйску, на Лагойшчыне. У 1947—49 працаваў у бабруйскай бібліятэцы. Звярнуўся да гістарычнай тэматыкі, падрыхтаваў аповесць пра М.Багдановіча. Актыўна пісаў, але ягоныя творы не публікаваліся. Арыштаваны паўторна 28.4.1949, высланы ў Сібір. Жыў у сяле Машукоўка Краснаярскага краю, дзе і памёр. Рэабілітаваны праз тры месяцы пасля смерці.