Неманцэвіч Антон Іванавіч (1893)
- Дата нараджэння: 2 люты 1893 г.
- Імя па-руску: Неманцевич Антоний Иванович
- Месца нараджэння: Санкт-Пецярбург
- Пол: мужчына
- Нацыянальнасць: беларус
- Адукацыя: вышэйшая духоўная
- Прафесія / месца працы: Грэка-каталіцкі святар, вікарый парафіяльнага касцёла св. Кацярыны ў Колпіне
- Месца пражывання: РСФСР
- Дата смерці: 1943 г.
- Месца смерці: г. Берлін (г.Мінск), турма Гестапа
- Дата арышту: 25 травень 1919 г.
- Дата вызвалення: 1919 г.
- Дата арышту: 31 травень 1921 г.
- Абвінавачанне: Антысавецкая прапаганда
- Дата асуджэння: 2 жнiвень 1921 г.
- Орган, які вынес прысуд: Паўнамоўцнае прадстаўніцтва Петраградскай ЧК
- Прысуд: 1 год прымусовай працы
- Дата вызвалення: 1921 г.
- Дата арышту: 1923 г.
- Дата вызвалення: 1925 г.
- Падставы вызвалення: Абмен палітвязнямі з Польшчай
Біяграфія
[псеўданімы: а. Антоні, Злучэнец; 27.1(8.2).1893, Санкт-Пецярбург — 1.4.1943?, Берлін, гестапа], грэка-каталіцкі святар, публіцыст, адзін з найбольш дзейсных ідэолагаў аб’яднання зах. і ўсх. цэркваў. Нар. ў сям’і перасяленцаў з в. Парчэўцы Сакольскага пав. Гродзенскай губ. Скончыў Віленскую каталіцкую духоўную семінарыю, Петраградскую каталіцкую духоўную акадэмію (1918). Пасвечаны ў святары 27.9.1915. З 1918 вікарый парафіяльнага касцёла св. Кацярыны ў Колпіне пад Петраградам. Пераследаваўся бальшавікамі за рэлігійную дзейнасць. Першы раз арыштаваны 25.5.1919; правёў у зняволенні 6 месяцаў. 31.5.1921 за пратэсты супраць арышту біскупа Цепляка быў зняволены на некалькі месяцаў. Пасля вызвалення вікарый парафіі св. Пятра і Паўла ў Маскве. Зноў арыштаваны ў 1923. Па абмене палітвязнямі ў 1925 перададзены Польшчы. Выехаў у Рым, дзе вывучаў тэалогію. Доктар тэалогіі (1927). У 1928—29 выкладаў у Люблінскім каталіцкім ун-це. У 1929 уступіў у ордэн езуітаў; прыняў грэка-каталіцкі абрад. Настаяцель грэка-каталіцкай царквы ў мяст. Альбярцін пад Слонімам, з 1933 — Сынкавіцкай царквы. У 1932—37 выдаваў бел. уніяцкі час. «Да злучэньня», на старонках якога актыўна публікаваўся. З 1934 прафесар тэалогіі і кананічнага права ў Папскай Усх. семінарыі ў Дубне (Зах. Украіна). У 1938 у Варшаве выдаваў час. «Злучэньне». З 1939 узначаліў Беларускі экзархат Украінскай грэка-каталіцкай мітраполіі (узведзены ў сан экзарха 17.9.1939). Увёў бел. мову як афіцыйную ў справаводства і ў царкоўнае жыццё. Арыштаваны гестапа 4 ліп. 1942 ў Альбярціне. Памёр у турме ў Берліне альбо загінуў у менскай турме СД.