Арсеннева Наталля (1903)

Наталля Арсеннева, 1927 г.

Дата нараджэння: 20 верасень 1903 г.
Імя па-руску: Арсеньева Наталья
Варыянты імя: Кушаль Наталля
Месца нараджэння: г. Баку
Пол: жанчына
Нацыянальнасць: беларуска
Адукацыя: вышэйшая
Прафесія / месца працы: Вілейская абласная "Сялянская газета"
Месца пражывання: БССР, г. Вілейка

Дата смерці: 25 лiпень 1997 г.
Месца смерці: ЗША, Нью-Ёрк, Рочэстэр

Дата арышту: красавiк 1940 г.
Абвінавачанне: Жонка палоннага польскага афіцэра
Прысуд: высылка
Месца адбывання: Казахстан, в. Дзмітраўка
Дата вызвалення: травень 1941 г.

Крыніцы дадзеных: Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. I;

Біяграфія[дадаць інфармацыю]

Наталля Арсеннева — паэтэса, перакладчыца, драматург.

У час вайны ў 1914 сям’я Арсенневых жыла ў бежанстве ў Яраслаўлі, дзе будучая паэтка напісала свой першы верш на рускай мове. Радавод бацькі А. узыходзіць да роду маці М.Ю.Лермантава.

У 1920 сям’я вярнулася ў Вільню, там А. скончыла Віленскую Першую беларускую гімназію, паступіла ва ун-т. На яе паэтычныя здольнасці звярнуў увагу М.Гарэцкі.

У 1922 А. выйшла замуж за Ф.Кушаля, якога, як афіцэра польскага войска, накіравалі служыць у зах. рэгіён Польшчы.

Пасля вер. 1939 А. жыла ў Вілейцы, працавала ў абл. «Сялянскай газеце».

Мемарыяльная шыльда набудынку беларускай гімназіі ў Вільні

У крас. 1940 як жонка палоннага польскага афіцэра была выслана з сынамі ў Казахстан.

У маі 1941 А. вярнулася з ссылкі ў Мінск. Тут яе напаткала вайна. У акупіраваным Мінску супрацоўнічала з «Беларускай газэтай». Напісала некалькі лібрэта да опер, займалася перакладамі.

У 1944 эмігравала ў Германію, з 1949 жыла ў ЗША. Працавала ў эмігранцкай бел. газ. «Беларус», на радыё «Свабода», у Беларускім інстытуце навукі і мастацтва ў Нью-Йорку.