Баранаў Сымон Якаўлевіч (1900)
- Дата нараджэння: 1 верасень 1900 г.
- Імя па-руску: Баранов Семен Яковлевич
- Варыянты імя: Сымон Баранавых; Баран Сымон Якаўлевіч
- Месца нараджэння: Мінская губ., Ігуменскі павет (Мінская вобл., Уздзенскі раён), в. Рудакова
- Пол: мужчына
- Нацыянальнасць: беларус
- Сацыяльнае паходжанне: сялянскае
- Адукацыя: вышэйшая
- Прафесія / месца працы: Пісьменнік
- Месца пражывання: БССР, г. Мінск, вул. Вірская, д. 37а, кв. 1
- Дата смерці: 10 лiстапад 1942 г.
- Месца смерці: Калыма
- Дата арышту: 4 лiстапад 1936 г.
- Абвінавачанне: Член контррэвалюцыйнай нацыяналістычна-фашысцкай арганізацыі, антысавецкая дзейнасць
- Дата асуджэння: 5 кастрычнiк 1937 г.
- Артыкул: 72; 76; 145 КК БССР
- Прысуд: 10 гадоў ППЛ
- Падставы вызвалення: Прэзідыюм Вярхоўнага суда БССР
- Дата рэабілітацыі: 29 снежань 1954 г.
- Архіўная справа: КДБ РБ 9935-с
- Крыніцы дадзеных: Картатэка Сталіна (Радыё Свабода); Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. II;
Біяграфія
[сапр. Баранаў (Баран) Сымон Якаўлевіч; 1.9.1900, в. Рудакова Ігуменскага пав. Мінскай губ., цяпер Уздзенскі р-н Мінскай вобл. — 10.11.1942], празаік. У 1920—23 служыў у Чырвонай Арміі, прымаў удзел у баях з польскімі войскамі. У 1924—25 старшыня сельсавета, загадчык хаты-чытальні, адначасова карэспандэнт бел. газет. У 1925—28 вучыўся на Мінскім рабфаку, у 1931 скончыў літаратурна-лінгвістычнае аддзяленне педагагічнага ф-та БДУ. Уваходзіў у літаратурныя аб’яднанні «Маладняк» (з 1927) і БелАПП (з 1928). Пасля сканчэння БДУ працаваў у Беларускім радыёцэнтры, потым адказным сакратаром час. «Беларусь калгасная». Сябраваў з Я. Купалам. Асноўная тэма творчасці — бел. вёска і сацыяльныя працэсы, якія адбываліся там у 1920—30-я г. Член СП СССР з 1934. Пасля выхаду ў 1936 у свет аповесці «Новая дарога» пакінуў службу і вырашыў цалкам аддацца мастацкай творчасці. Арыштаваны 4.11.1936; асуджаны на 10 гадоў пазбаўлення волі. Загінуў на Калыме. Рэабілітаваны ў 1954.