Касцевіч Макар Мацвеевіч (1891)
- Дата нараджэння: 18 жнiвень 1891 г.
- Варыянты імя: Макар Краўцоў, Косцевіч Макар Мацвеевіч
- Месца нараджэння: Гродзенская губ., Гродзенскі павет (Гродзенская вобл., Гродзенскі раён), в. Баброўня
- Пол: мужчына
- Прафесія / месца працы: Рэдакцыя газеты «Віленская праўда»
- Месца пражывання: г. Вільня
- Дата смерці: 1939 г.
- Месца смерці: г. Беласток, турма НКУС
- Дата арышту: кастрычнiк 1939 г.
Біяграфія
Макар Краўцоў (сапр. Касцевіч Макар Мацвеевіч) - беларускі грамадска-палітычны дзеяч, паэт, публіцыст, перакладчык.
Нарадзіўся 6(18).8.1891 у в. Баброўня Гродзенскага пав. ( цяпер Гродзенскі р-н). У 1910 скончыў Свіслацкую настаўніцкую семінарыю; настаўнічаў на Гродзеншчыне. З 1915 у дзеючай арміі; ад Паўднёва-Зах. фронту абраны дэлегатам 1-га Усебеларускага з’езда 1917.
У 1917—19 у Мінску падрыхтаваў да друку «Беларускі лемантар». У 1918 пачаў літаратурную дзейнасць. З 1918 член БПС-Р. Пасля ўтварэння ў 1919 Міністэрства беларускіх спраў у Літоўскім урадзе ствараў органы ўлады ў Сакольскім пав. Гродзенскай губ. Са снеж. 1919 уваходзіў у склад Беларускай вайсковай камісіі. 30.10.1919 у газ. «Беларусь» пад назвай «Ваяцкі гімн» апублікаваў верш «Мы выйдзем шчыльнымі радамі», які быў пакладзены на музыку У.Тэраўскім і стаў гімнам БНР. Удзельнічаў у Слуцкім паўстанні 1920, у Першай Усебеларускай палітычнай канферэнцыі ў Празе (вер. 1921).
З 1921 жыў у Вільні, займаўся літаратурнай і грамадскай дзейнасцю, настаўнічаў. У крас. 1923 выдаў час. «Саха», які быў забаронены пасля 1-га нумара. У 1926 арыштаваны польскімі ўладамі. У Вільні выйшлі перакладзеныя К. на бел. мову кнігі М.Лермантава, А.Купрына, А.Талстога, М.Гогаля, М.Твэна і інш. З кастр. 1939 працаваў у рэдакцыі газ. «Віленская праўда».
Арыштаваны ў кастр. 1939 разам з іншымі бел. паліт. дзеячамі. Загінуў у зняволенні.