Пазняк Ян Аляксандравіч (1887)

Ян Пазняк.png
  • Дата нараджэння: 1887 г.
  • Імя па-руску: Позняк Ян Александрович
  • Варыянты імя: Янка Пазняк
  • Месца нараджэння: Віленская губ., Ашмянскі павет (Гродзенская вобл., Іўеўскі раён), мяст. Суботнікі
  • Пол: мужчына
  • Месца пражывання: г. Вільня

  • Дзе і кім арыштаваны: НКУС СССР, г. Вільня
  • Дата арышту: кастрычнiк 1939 г.

Біяграфія

Ян Пазняк - беларускі публіцыст, палітычны і культурны дзеяч.

Дакладная дата нараджэння невядомая. Разглядаюцца тры варыянты: 1887, 19 лютага 1895 або 1897 г. Нарадзіўся найверагодней у мяст. Суботнікі Ашмянскага пав. Віленскай губ., цяпер Іўеўскі р-н Гродзенскай вобл.

У 1913—15 у Вільні разам з А.Бычкоўскім, Ядвігіным Ш., Б.Пачопкам і інш. выдаваў каталіцкую газ. «Беларус». У 1918—20 служыў арганістам у Лаварышскім касцёле каля Вільні, потым у Святаянскім касцёле ў Вільні. Член Хрысціянска-дэмакратычнай злучнасці з моманту яе заснавання ў маі 1917 у Петраградзе. Удзельнічаў у бел. хрысціянска-дэмакратычным руху, асабліва пасля перанясення яго сядзібы ў 1921 у Вільню. Актыўна друкаваўся на старонках газ. «Крыніца» («Беларуская крыніца»). У 1928—36 рэдагаваў «Беларускую крыніцу». У 1936 газета канфіскоўвалася 11 разоў; на яе рэдактара было заведзена больш за 30 судовых спраў. П. быў абкладзены грашовымі штрафамі; арыштаваны, правёў у зняволенні некалькі месяцаў. У 1937 «Беларуская крыніца» была закрыта ўладамі. З 1938 П. рэдагаваў час. «Хрысціянская думка». У канцы 1930-х г. — старшыня Беларускага нацыянальнага камітэта.

Арыштаваны НКВД у кастр. 1939 і вывезены з Вільні. Абставіны гібелі невядомы.