Адамовіч Аляксандр Фаміч (1900)

Адамовіч Аляксандр, фотаздымак з крымінальнай справы 20950-c

• Дата нараджэння: 6 студзень 1900 г.
• Варыянты імя: Адамович Александр Фомич
• Месца нараджэння: Віленская губерня, Вілейскі павет, в. Васюлькі
• Пол: мужчына
• Нацыянальнасць: беларус
• Сацыяльнае паходжанне: сялянскае
• Прафесія / месца працы: Тэхнічны рэдактар, Беларускае дзяржаўнае выдавецтва
• Месца пражывання: г. Мінск, вул. Новасерпухаўская, д. 11, кв. 2
• Партыйнасць: член КП(б)Б (да 1929)

• Дата расстрэлу: 15 верасень 1937 г.
• Месца пахавання: Карэлія, ст. Сегежа

Арышты

• Дзе і кім арыштаваны: г. Мінск, вул. Новасерпухаўская, д. 11, кв. 2
• Дата арышту: 19 лiпень 1930 г.
• Абвінавачанне: Удзельнік контррэвалюцыйнай арганізацыі "Саюз вызвалення Беларусі"
• Дата асуджэння: 18 сакавiк 1931 г.
• Прысуд: 10 гадоў ППЛ
• Месца адбывання: Салавецкі лагер асаблівага прызначэння; Беламора-балтыйскі ППЛ
• Дата рэабілітацыі: 14 чэрвень 1988 г.

---

• Дзе і кім арыштаваны: Беламора-балтыйскі ППЛ
• Дата арышту: 24 сакавiк 1935 г.
• Дата асуджэння: 11 лiпень 1935 г.
• Прысуд: 7 гадоў ППЛ

---

• Абвінавачанне: Антысавецкая агітацыя
• Дата асуджэння: 9 верасень 1937 г.
• Артыкул: 58-10 КК РСФСР
• Прысуд: ВМП (расстрэл)
• Дата рэабілітацыі: 13 лiстапад 1957 г.

---

• Архіўная справа: КДБ РБ 20950-c
• Крыніцы дадзеных: Картатэка Сталіна (Радыё Свабода); Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. III к. 1; Ахвяры палітычнага тэрора ў СССР (База дадзеных)

Біяграфія

Адамовіч Аляксандр Фаміч - партыйны і дзяржаўны дзеяч БССР, у ліпепі 1928 — верасні 1929 г. — намеснік наркама земляробства БССР.

Нарадзіўся 6 студзеня 1900 г. у в. Васюлькі Вілейскага пав. Віленскай губерні (цяпер вёска Княгінін Мядзельскі раён Мінскай вобласці) у заможнай сялянскай сям'і. Скончыў пачатковае вучылішча ў Радашковічах.

З канца 1917 г. з'яўляўся сябрам нацыянальна-культурнай арганізацыі «Беларускі гай». У 1918 уступіў у Беларускую сацылістычную грамаду. З 1919 г. член УсеКП(б). У пачатку 1921 года быўшы дэлегатам усебеларускай партканферэнцыі ад барысаўскага павета, на нарадзе дэлегатаў у гасцініцы «Еўропа» паставіў пытанне: «аб далучэнні да беларускіх тэрыторый Віцебшчыны, Магілёўшчыны і Смаленшчыны».

Працаваў на шэрагу партыйных пасадаў у Смаленску, Клімавічах, Полацку, Мінску. З ліпеня 1928 па верасень 1929 — намеснік наркама земляробства БССР. Быў жанаты, гадаваў дваіх дзяцей.

У сувязі з разгортваннем барацьбы з г.зв. нацыянал-дэмакратызмам быў зняты з работы і выключаны з КП(б)Б «за ідэалагічную няўстойлівасць, скрыўленне класавай лініі ў палітыцы наркамзема, за бюракратызм і адрыў ад партыйнай ячэйкі, за прымірэнчыя адносіны да контррэвалюцыйных вылазак нацыянал-дэмакратызма». Неўзабаве адноўлены ў партыі і накіраваны на перавыхаванне на нізавую работу тэрмінам на два гады — працаваў тэхнічным рэдактарам Беларускага дзяржаўнага выдавецтва.

Тройчы арыштоўваўся:

• Арыштаваны 19 ліпеня 1930 г. па справе «Саюза вызвалення Беларусі» у Мінску па адрасе: вул. Новасерпухаўская, д. 11, кв. 2. 18.03.1931 г. асуджаны паводле пастановы калегіі АДПУ СССР як «удзельнік контррэвалюцыйнай арганізацыі» да 10 гадоў папраўча-працоўных работ. Пакаранне адбываў спачатку ў Салавецкім, затым у Беламорска-Балтыйскім канцлагерах НКУС Карэла-Фінскай АССР. Асабістая справа № 20950-с захоўваецца ў архіве КДБ Беларусі, па ёй Аляксандр Фаміч быў рэабілітаваны судовай калегіяй па крымінальных справах Вярхоўнага суда БССР 14.06.1988 г.

• Падчас адбыцця пакарання па першай справе, 24.03.1935 г. арыштаваны ў Беламорска-Балтыйскім канцлагеры і 11.07.1935 г. асуджаны Ленінградскім абласным судом да 7 гадоў папраўча-працоўных лагераў.

• 09.09.1937 тройкай Карэльскай АССР прыгавораны за «антысавецкую агітацыю» па арт. арт. 58-10 КК РСФСР да ВМП. Расстраляны 15.09.1937 г. каля ст. Сягежа (Карэлія). Рэабілітаваны 13.11.1957 г. ПВ Суда Карэльскай АССР.