Зіміёнка Анатоль Рыгоравіч (1887)

• Дата нараджэння: 6 красавiк 1887 г.
• Варыянты імя: Анатоль Дзяркач; Зимионко Анатолий Григорьевич
• Месца нараджэння: Мінская губерня, Навагрудскі павет, мяст. Турэц
• Пол: мужчына
• Нацыянальнасць: беларус
• Прафесія / месца працы: паэт, пісьменнік, перакладчык

• Дата расстрэлу: 5 верасень 1937 г.
• Месца смерці: г. Мінск, турма НКУС

---

• Дата арышту: 16 кастрычнiк 1936 г.
• Прысуд: ВМП
• Дата рэабілітацыі: 1957 г.

---

• Крыніцы дадзеных: Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. I;

Біяграфія

Анатоль Дзяркач (сапраўднае імя Зіміёнка Анатоль Рыгоравіч) - беларускі паэт, сатырык, гумарыст, мемуарыст.

Нарадзіўся 6(18).4.1887 у мяст. Турэц Навагрудскага павета. У 1904 скончыў народнае вучылішча ў Навагрудку. Пачаў публікавацца з 1904; спачатку пісаў на рускай мове. Служыў у земскай і гарадской управах у Мінску. Член партыі эсэраў.

У 1908 арыштаваны, адпраўлены ў ссылку.

Пасля Лютаўскай рэвалюцыі 1917 служыў у мінскіх адміністрацыйных органах Часовага ўрада. Пасля 1917 працаваў у газ. «Беларуская вёска»; з 1924 рэдактар сатырычнага час. «Дубінка» (дадатак да газ. «Звязда»); працаваў у газ. «Піянер Беларусі», час. «Полымя». Працуючы ў сатырычным жанры, узяў сабе псеўданім Анатоль Дзяркач. Член СП Беларусі з 1934. Пісаў творы для дзяцей. Перакладаў з рускай і ўкраінскай моў. Аўтар успамінаў.

Арыштаваны 16.10.1936. 5 верасня 1937 расстраляны ў мінскай турме НКУС. Рэабілітаваны ў 1957.