Піятуховіч Міхаіл Мікалаевіч (1891)

• Дата нараджэння: 23 люты 1891 г.
• Імя па-руску: Пиотухович Михаил Николаевич
• Месца нараджэння: Магілёўская губ., Сенненскі павет (Віцебская вобл., Сенненскі раён), в. Алексінічы
• Пол: мужчына
• Сацыяльнае паходжанне: духавенства
• Адукацыя: вышэйшая
• Прафесія / месца працы: Выкладчык-славіст, Паўночна-Каўказскі і Паўночна-Асецінскі педагагічныя інстытуты
• Месца пражывання: г. Арджанікідзэ

• Дата расстрэлу: 20 снежань 1937 г.
• Месца смерці: БССР, г. Мінск, турма НКУС

---

• Дзе і кім арыштаваны: г. Арджанікідзэ
• Дата арышту: 9 студзень 1937 г.
• Дата асуджэння: 19 снежань 1937 г.
• Орган, які вынес прысуд: Вайсковая калегія Вярхоўнага суда СССР
• Прысуд: ВМП
• Дата рэабілітацыі: 27 снежань 1957 г.

---

• Крыніцы дадзеных: Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. II;

Біяграфія

Міхайла Піятуховіч - беларускі літаратуразнавец, крытык, педагог.

Нарадзіўся 23.2.1891 у в. Алексінічы Сенненскага пав. Магілёўскай губ., цяпер Сенненскі р-н Віцебскай вобл. Паходзіў з сям’і вясковага праваслаўнага святара. Вучыўся ў Магілёўскай духоўнай семінарыі. У 1917 скончыў Нежынскі гісторыка-філалагічны інстытут; быў накіраваны ў Петраградскі ун-т для падрыхтоўкі да прафесарскага звання па кафедры рускай мовы і славеснасці. З-за матэрыяльных умоў на пачатку 1920 вымушаны быў пераехаць у Адэсу.

З 1921 у БССР. Публікавацца пачаў у 1921. Актыўна выступаў у друку як крытык і даследчык бел. літ. З вер. 1921 з’яўляўся членам навукова-тэрміналагічнай камісіі, з лют. 1922 — навуковым супрацоўнікам, а з 1925 — правадзейным членам Інбелкульта; з 1929 — правадзейны член БелАН. У 1921—26 выкладаў бел. літаратуру ў МБПТ. З лют. 1922 працаваў у БДУ: дацэнт, з кастр. 1926 прафесар. У маі 1926 стаў дэканам педагагічнага ф-та.

У пачатку 1930-х г. над П. навісла пагроза рэпрэсій з-за «непралетарскага паходжання». Літаратурна-крытычныя выступленні П. заўсёды мелі апанентаў, аднак у сярэдзіне 1930-х г. палеміка выйшла за межы літаратурнай дыскусіі і прыняла характар грубых паліт. абвінавачванняў. П. вырашыў выехаць з сям’ёй за межы Беларусі. Жыў у Арджанікідзе; працаваў выкладчыкам-славістам у Паўночна-Каўказскім і Паўночна-Асецінскім педагагічных інстытутах.

Але 9.1.1937 ён быў арыштаваны і перавезены ў Мінск. 19.12.1937 Ваеннай калегіяй Вярхоўнага суда СССР прыгавораны да расстрэлу. Рэабілітаваны 27.12.1957.