Бабарэка Адам Антонавіч (1899)

• Дата нараджэння: 14 кастрычнiк 1899 г.
• Месца нараджэння: Мінская губ., Слуцкі павет (Мінская вобл., Капыльскі раён) в. Слабада-Кучынка
• Пол: мужчына
• Нацыянальнасць: беларус
• Сацыяльнае паходжанне: сялянскае
• Адукацыя: вышэйшая
• Прафесія / месца працы: Асістэнт кафедры гісторыі беларускай літаратуры БДУ

• Дата смерці: 10 кастрычнiк 1938 г.
• Месца смерці: Паўночлаг

Арышты

• Дзе і кім арыштаваны: г. Мінск, ДПУ БССР
• Дата арышту: 25 лiпень 1930 г.
• Абвінавачанне: Удзел у контррэвалюцыйнай арганізацыі "Саюз вызвалення Беларусі", антысавецкая агітацыя
• Дата асуджэння: 10 кастрычнiк 1931 г.
• Прысуд: 5 гадоў ссылкі
• Месца адбывання: Кіраўская вобл., г.п. Слабадское; г. Кіраў
• Дата рэабілітацыі: 15 лiстапад 1957 г.
• Орган, які рэабілітаваў: Судовая калегія па крымінальных справах ВС БССР

---

• Дзе і кім арыштаваны: г. Вятка
• Дата арышту: 24 лiпень 1937 г.
• Дата асуджэння: 15 люты 1938 г.
• Орган, які вынес прысуд: Тройка УНКУС па Кіраўскай вобл.
• Прысуд: 10 гадоў ППЛ
• Месца адбывання: Комі АССР, Княж-Пагост; Паўночны чыгуначны лагер НКУС
• Дата рэабілітацыі: 4 лiпень 1959 г.

---

• Архіўная справа: КДБ РБ 20951-С
• Крыніцы дадзеных: Картатэка Сталіна (Радыё Свабода); Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. I;

Біяграфія

Адам Бабарэка - беларускі празаік, літаратуразнавец.

Нарадзіўся 2(14) кастрычніка 1899 у в. Слабада-Кучынка Слуцкага пав.( цяпер Капыльскі р-н). Вучыўся ў Слуцкай школе і Мінскай духоўнай семінарыі (скончыў у 1918). Настаўнічаў на Случчыне.

Удзельнік антыпольскага падполля і партызанскага руху. У 1920 арыштаваны польскімі ўладамі.

У 1922—27 вучыўся ў БДУ на этнолага-лінгвістычным аддзяленні. Адначасова працаваў у рэдакцыі газ. «Савецкая Беларусь». Адзін з арганізатараў і кіраўнікоў літаратурных аб’яднанняў «Маладняк» (1923) і «Узвышша» (1926). Публікаваўся з 1918. У 1925 выдаў кнігу «Апавяданні». Распрацоўваў метадалагічныя прынцыпы літаратуразнаўства і эстэтыкі.

Арыштаваны ДПУ БССР 25.7.1930 па справе «Саюза вызвалення Беларусі». 10.4.1931 асуджаны на 5 гадоў ссылкі, якую адбываў у Слабадскім Кіраўскай вобл. і ў Кіраве (Вятка). Працаваў бухгалтарам. Тэрмін ссылкі быў падоўжаны на 2 гады ў адміністрацыйным парадку.

Паўторна арыштаваны 24.7.1937 у рамках сфабрыкаванай маштабнай акцыі па рэпрэсаванні беларусаў, сасланых АДПУ у пачатку 1930-х г. Паводле пастановы «тройкі» па Кіраўскай вобл. ад 15.2.1938 атрымаў 10 гадоў зняволення ў лагерах. Пакаранне адбываў у пас. Княж-Пагост Комі АССР. Памёр у Паўночным чыгуначным лагеры НКВД. Памёр у лагеры 10.10.1938

Рэабілітаваны 4.7.1959.