Лагіновіч Іосіф Каэтанавіч (1891)

Дата нараджэння: 26 люты 1891 г.
Імя па-руску: Логинович Иосиф Каэтанович
Варыянты імя: Корчык Павал
Месца нараджэння: (Мінская вобл., Слуцкі раён), в. Заўшыцы
Пол: мужчына
Нацыянальнасць: беларус
Сацыяльнае паходжанне: сялянскае
Прафесія / месца працы: сакратар ЦК КПЗБ
Партыйнасць: сакратар ЦК КПЗБ; член Палітбюро Польскай Кампартыі

Дата смерці: 15 красавiк 1940 г.
Месца смерці: БССР, г. Мінск, турма НКУС

Арышты

Дзе і кім арыштаваны: БССР, г. Мінск, НКУС БССР
Дата арышту: 19 люты 1936 г.
Абвінавачанне: Агент польскай выведкі, контррэвалюцыйная дзейнасць
Дата асуджэння: 25 лiпень 1936 г.
Артыкул: 64, 74, 68, 76 КК БССР
Прысуд: 5 гадоў ППЛ
Месца адбывання: Комі АССР, Ухтапечлаг

Абвінавачанне: Контррэвалюцыйная агітацыя сярод зняволеных
Дата асуджэння: 15 сакавiк 1938 г.
Орган, які вынес прысуд: Тройка пры УНКУС па Архагельскай вобл.
Прысуд: ВМП

Абвінавачанне: Шпіянаж (нямецкі, польскі)
Дата асуджэння: 26 кастрычнiк 1939 г.
Орган, які вынес прысуд: Вайсковы трыбунал Беларускага фронта
Прысуд: ВМП
Дата рэабілітацыі: 31 жнiвень 1955 г.
Орган, які рэабілітаваў: Вайсковая калегія Вярхоўнага суда СССР

Архіўная справа: КДБ БССР 5521-С
Крыніцы дадзеных: Картатэка Сталіна (Радыё Свабода); Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. I;

Біяграфія[дадаць інфармацыю]

Павал Корчык (сапр. Лагіновіч Іосіф Каэтанавіч) - нар. 14(26).2.1891, в. Заўшыцы Слуцкага пав. Мінскай губ., цяпер Салігорскі р-н Мінскай вобл.

У 1907 скончыў Слуцкае гарадское вучылішча. Да 1912 настаўнічаў на Капыльшчыне. У 1910 увайшоў у групу прыхільнікаў БСГ. У 1912—17 служыў у арміі, удзельнік 1-й сусветнай вайны. Быў членам партыі БПС-Р. Удзельнічаў у Слуцкім паўстанні 1920.

аЗ мая 1921 да 1922 працаваў у Вільні карэктарам у бел. перыядычных выданнях. Адзін з арганізатараў і кіраўнікоў Беларускай рэвалюцыйнай арганізацыі (БРА), рэдактар-выдавец друкаванага органа БРА газ. «Наш сцяг» («Вольны сцяг»). Пасля аб’яднання 30.12.1923 БРА з КПЗБ кааптаваны ў склад ЦК КПЗБ. Арыштаваны польскімі ўладамі ў ліп. 1924 у Стаўбцах, але неўзабаве вызвалены партызанамі, і пераехаў у БССР. З восені 1924 працаваў у Бюро дапамогі КПЗБ пры ЦК КП(б)Б у Мінску. З 1925 у Польшчы. У маі 1928 на пасяджэнні ЦК КПП у Берліне арыштаваны нямецкай паліцыяй, высланы ў СССР. У сак. — жн. 1933 у Мінску, кіраваў дзейнасцю Бюро ЦК КПЗБ. Са снеж. 1933 зноў на падпольнай рабоце ў Зах. Беларусі.

Арыштаваны НКВД 19.2.1936; 25.6.1936 асуджаны на 5 гадоў лагераў. Накіраваны ва Ухтапячлаг (Комі АССР). 15.3.1938 «тройкай» УНКВД па Архангельскай вобл. прыгавораны да расстрэлу. Па невядомых прычынах прысуд не выканалі. У 1938 вернуты ў Мінск. 26.10.1939 Ваенным трыбуналам прыгавораны да расстрэлу. Памёр у турме. Рэабілітаваны 31.8.1955.