Розніца паміж версіямі "Багдановіч Вячаслаў Васільевіч (1878)"
(→Біяграфія) |
|||
Радок 22: | Радок 22: | ||
==Біяграфія== | ==Біяграфія== | ||
+ | [[File:Багдановіч Вячаслаў 2.jpg|400px|thumb|300px|Крыніца: [https://www.racyja.com/belaruski-belastok/ Радыё Рацыя]]] | ||
[псеўданімы: Васілевіч, Віцяблянін; 1878, мяст. Дзісна Віленскай губ., цяпер горад у Міёрскім р-не Віцебскай вобл. (паводле інш. звестак — Лепельскі пав. Віцебскай губ.) — 1939 (?), Вілейка], царкоўны дзеяч, літаратар, дзеяч бел. нацыянальнага руху. Беларус. Сын святара Васілія Багдановіча і брат педагогаў Анатолія і Генадзія Багдановічаў. Скончыў Віцебскую духоўную семінарыю, Кіеўскую духоўную акадэмію са ступенню кандыдата багаслоўя (1903). | [псеўданімы: Васілевіч, Віцяблянін; 1878, мяст. Дзісна Віленскай губ., цяпер горад у Міёрскім р-не Віцебскай вобл. (паводле інш. звестак — Лепельскі пав. Віцебскай губ.) — 1939 (?), Вілейка], царкоўны дзеяч, літаратар, дзеяч бел. нацыянальнага руху. Беларус. Сын святара Васілія Багдановіча і брат педагогаў Анатолія і Генадзія Багдановічаў. Скончыў Віцебскую духоўную семінарыю, Кіеўскую духоўную акадэмію са ступенню кандыдата багаслоўя (1903). | ||
Версія ад 17:38, 13 лютага 2018
![](/images/6/61/%D0%91%D0%B0%D0%B3%D0%B4%D0%B0%D0%BD%D0%BE%D0%B2%D1%96%D1%87_%D0%92%D1%8F%D1%87%D0%B0%D1%81%D0%BB%D0%B0%D1%9E.jpeg)
- Дата нараджэння: 1878 г.
- Імя па-руску: Богданович Вячеслав Васильевич
- Месца нараджэння: Віленская губ. (Віцебская вобл., Міёрскі раён), мяст. Дзісна
- Пол: мужчына
- Нацыянальнасць: беларус
- Адукацыя: вышэйшая духоўная
- Прафесія / месца працы: Праваслаўны святар
- Дата смерці: 1939 г.
- Месца смерці: г. Вілейка
- Дзе і кім арыштаваны: НКУС
- Дата арышту: верасень 1939 г.
Біяграфія
![](/images/thumb/b/b5/%D0%91%D0%B0%D0%B3%D0%B4%D0%B0%D0%BD%D0%BE%D0%B2%D1%96%D1%87_%D0%92%D1%8F%D1%87%D0%B0%D1%81%D0%BB%D0%B0%D1%9E_2.jpg/300px-%D0%91%D0%B0%D0%B3%D0%B4%D0%B0%D0%BD%D0%BE%D0%B2%D1%96%D1%87_%D0%92%D1%8F%D1%87%D0%B0%D1%81%D0%BB%D0%B0%D1%9E_2.jpg)
[псеўданімы: Васілевіч, Віцяблянін; 1878, мяст. Дзісна Віленскай губ., цяпер горад у Міёрскім р-не Віцебскай вобл. (паводле інш. звестак — Лепельскі пав. Віцебскай губ.) — 1939 (?), Вілейка], царкоўны дзеяч, літаратар, дзеяч бел. нацыянальнага руху. Беларус. Сын святара Васілія Багдановіча і брат педагогаў Анатолія і Генадзія Багдановічаў. Скончыў Віцебскую духоўную семінарыю, Кіеўскую духоўную акадэмію са ступенню кандыдата багаслоўя (1903).
З 6.11.1903 выкладчык біблейскай і царкоўнай гісторыі ў Віцебскай праваслаўнай семінарыі. З 18.5.1907 інспектар Мінскай, з восені 1907 Літоўскай (Віленскай) духоўных семінарыяў. У 1915 эвакуіраваўся з семінарыяй у Разань. У 1919 вярнуўся ў Вільню, прызначаны рэктарам семінарыі. Удзельнічаў у Памесным Саборы Расійскай (Рускай) праваслаўнай царквы (1917—18) пра які напісаў некалькі спецыяльных артыкулаў і надрукаваў дзённік удзельніка Сабора. Быў адказным рэдактарам «Литовских Епархиальных Ведомостей» з 1919 да 20.10.1922, калі пастановай Віленскай духоўнай кансісторыі выданне было зачынена. У верас. 1921 уступіў у Таварыства беларускай школы. Захоўваючы вернасць Патрыярху, адмовіўся прыняць аўтакефалію Польскай царквы, за што пастановай архіепіскапа Варшаўскага Георгія звольнены з пасады рэктара семінарыі і рэдактара «Литовских Епархиальных Ведомостей». У кастр. 1922 арыштаваны польскімі ўладамі з архіепіскапам Літоўскім і Віленскім Елеўферыем (Богаяўленскім) і вывезены ў Кракаў. Мітрапалітам Дзіянісіем адлучаны ад Польскай аўтакефальнай царквы. У канцы 1922 абраны ў сенат II Рэчы Паспалітай. Актыўны змагар за правы беларусаў у Польшчы. У 1930 абраны сенатарам на другі тэрмін. Са святаром Лукой Голадам арганізаваў у Вільні адзіны ва ўсёй Польшчы праваслаўны прыход, які падпарадкоўваўся патрыярху Ціхану і служыў у ім псаломшчыкам (1924—36). Пасля дзесяцігадовага існавання Патрыяршая абшчына ў Вільні адміністрацыйнымі ўладамі была разгромлена, а яе храм апячатаны (1936). Выступаючы ў сенаце (1929) паведаміў пра сапраўднае становішча Праваслаўнай царквы, пра гвалт, канфіскацыю маёмасці, нацыянальныя прыцясненні. З 1930 выкладаў у Віленскай рускай гімназіі імя А.Пушкіна і ў жаночым епархіяльным вучылішчы. Вядомы і як кампазітар, аўтар музыкі да некалькіх рамансаў на словы А.Пшчолкі. Паводле звестак А.Клімовіча, у 1920-я г. Б. прыпісвалася аўтарства раманса «Зорка Венера» на словы М.Багдановіча. У 1920—30-я г. член Беларускага нацыянальнага камітэта (БНК) у Вільні. Да 28.11.1933 старшыня Царкоўнай праваслаўнай камісіі пры БНК. Адзін з заснавальнікаў і кіраўнікоў Беларускага праваслаўнага аб’яднання ў Вільні, уваходзіў у Беларускі пасольскі клуб.
У 1939 арыштаваны польскай дэфензівай як праціўнік аўтакефаліі. Заключаны ў Віленскую турму, адкуль этапаваны ў Бяроза-Картузскі канцлагер. З наступам Чырвонай арміі ахова лагера ўцякла, і зняволеныя вызваліліся.
У верас. 1939 арыштаваны органамі НКВД. Па заяве пракуратуры СССР сярод асуджаных не значыцца. Па прыватных сведчаннях, расстраляны ў Вілейскай турме НКВД неўзабаве пасля арышту.