Дарожкін Мікалай Апанасавіч (1905)

• Дата нараджэння: 14 снежань 1905 г.
• Імя па-руску: Дорожкин Николай Афанасьевич
• Месца нараджэння: (Расія, Бранская вобл.), в. Гарохаўка
• Пол: мужчына
• Адукацыя: вышэйшая
• Прафесія / месца працы: Дырэктар Інстытута біялогіі АН БССР
• Месца пражывання: БССР, г. Мінск

• Дата смерці: 27 красавiк 1993 г.
• Месца смерці: Беларусь, г. Мінск
• Месца пахавання: Беларусь, г. Мінск, Усходнія могілкі

---

• Дата арышту: 26 чэрвень 1938 г.
• Абвінавачанне: Шпіянаж, арганізаваная антысавецкая дзейнасць
• Артыкул: 68; 76 КК БССР
• Падставы вызвалення: Справа спынена Пракуратурай БВА
• Дата рэабілітацыі: 9 люты 1940 г.

---

• Крыніцы дадзеных: Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. III, к. II;

Біяграфія

Магіла Мікалая Дарожкіна на Усходніх могілках

Мікалай Дарожкін - беларускі міколаг, фітапатолаг, акадэмік АН БССР (1962).

Нарадзіўся 14.12.1905 у в. Гарохаўка (цяпер Бранская вобл., Расія ). Cкончыў Беларускую сельскагаспадарчую акадэмію (1929). З 1931 працаваў вучоным спецыялістам, загадчыкам лабараторыі, дырэктарам Інстытута біялогіі АН БССР.

Арыштаваны 26.6.1938. Абвінавачваўся ў «шпіянажы і арганізаванай антысавецкай дзейнасці». Пракуратурай БВА справа спынена. Вызвалены. Рэабілітаваны 9.2.1940.

Удзельнічаў у 2-й сусветнай вайне. З 1948 дырэктар Інстытута біялогіі АН БССР, з 1959 дырэктар Беларускага навукова-даследчага інстытута бульбаводства, у 1976—87 загадчык лабараторыі Інстытута эксперыментальнай батанікі АН БССР.