Пазняк Ян Аляксандравіч (1887)

Дата нараджэння: 1887 г.
Імя па-руску: Позняк Ян Александрович
Варыянты імя: Янка Пазняк
Месца нараджэння: Віленская губ., Ашмянскі павет (Гродзенская вобл., Іўеўскі раён), мяст. Суботнікі
Пол: мужчына
Месца пражывання: г. Вільня

Дзе і кім арыштаваны: НКУС СССР, г. Вільня
Дата арышту: кастрычнiк 1939 г.

Крыніцы дадзеных: Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, т. II;

Біяграфія

[Ян Аляксандравіч; псеўданім: Янка Дудар; Той Самы; Сялянец; крыптанімы: Я.Д.; Д-р; Я.Д-р; Я.П.; я.п.; Яп.; П-к; п-к; Я.П-к; Рэд. «Б.Кр.»; 1887, мяст. Суботнікі Ашмянскага пав. Віленскай губ., цяпер Іўеўскі р-н Гродзенскай вобл. — пасля кастр. 1939, Мінск ?, НКВД], публіцыст, паліт. і культурны дзеяч. У 1913—15 у Вільні разам з А.Бычкоўскім, Ядвігіным Ш., Б.Пачопкам і інш. выдаваў каталіцкую газ. «Беларус». У 1918—20 служыў арганістам у Лаварышскім касцёле каля Вільні, потым у Святаянскім касцёле ў Вільні. Член Хрысціянска-дэмакратычнай злучнасці з моманту яе заснавання ў маі 1917 у Петраградзе. Удзельнічаў у бел. хрысціянска-дэмакратычным руху, асабліва пасля перанясення яго сядзібы ў 1921 у Вільню. Актыўна друкаваўся на старонках газ. «Крыніца» («Беларуская крыніца»). У 1928—36 рэдагаваў «Беларускую крыніцу». У 1936 газета канфіскоўвалася 11 разоў; на яе рэдактара было заведзена больш за 30 судовых спраў. П. быў абкладзены грашовымі штрафамі; арыштаваны, правёў у зняволенні некалькі месяцаў. У 1937 «Беларуская крыніца» была закрыта ўладамі. З 1938 П. рэдагаваў час. «Хрысціянская думка». У канцы 1930-х г. — старшыня Беларускага нацыянальнага камітэта. Арыштаваны НКВД у кастр. 1939 і вывезены з Вільні. Абставіны гібелі невядомы.