Шашалевіч Васіль Антонавіч (1897)

Szaszalewicz Vasil.jpg
  • Дата нараджэння: 9 студзень 1897 г.
  • Месца нараджэння: Магілёўская губ., Чэрыкаўскі павет (Магілёўская вобл., Кpаснапольскі раён), в. Міхінічы
  • Пол: мужчына
  • Нацыянальнасць: беларус
  • Сацыяльнае паходжанне: служачыя
  • Адукацыя: вышэйшая
  • Месца пражывання: БССР, г. Мінск, вул. Вызвалення 13, кв. 3
  • Дата смерці: 23 кастрычнiк 1941 г.
  • Месца смерці: ГУЛАГ
Арышты
  • Дзе і кім арыштаваны: г. Мінск, ДПУ БССР
  • Дата арышту: лiпень 1930 г.
  • Абвінавачанне: Справа «Саюз вызвалення Беларусі»
  • Дата вызвалення: люты 1931 г.
  • Дзе і кім арыштаваны: г. Мінск
  • Дата арышту: 28 кастрычнiк 1936 г.
  • Абвінавачанне: Член контррэвалюцыйнай нацыянал-фашысцкай арганізацыі, антысавецкая дзейнасць
  • Дата асуджэння: 2 кастрычнiк 1937 г.
  • Артыкул: 72, 76 КК БССР
  • Прысуд: 10 гадоў ППЛ
  • Месца адбывання: Томасінлаг; Унжлаг
  • Дата рэабілітацыі: 19 кастрычнiк 1955 г.
  • Орган, які рэабілітаваў: Прэзідыум Вярхоўнага суда БССР

Рэпрэсаваныя сваякі

Брат: Шашалевіч Андрэй Антонавіч (1893)

Біяграфія

Васіль Антонавіч Шашалевіч - беларускі драматург, брат пісьменніка Андрэя Мрыя.

Нарадзіўся ў сям'і валаснога пісара. Вучыўся ў духоўным вучылішчы, у Магілёўскай духоўнай семінарыі (1910—1914), Яраслаўскім юрыдычным ліцэі (1915—1916). З-за матэрыяльных праблем скончыць ліцэй не здолеў.

У 1917—1924 настаўнічаў у в. Ясенцы і ў мяст. Краснаполле на Магілёўшчыне, у Мінску. У 1918 разам з братам і сёстрамі стварыў народны тэатр у Краснаполлі, пісаў для яго аднаактоўкі. У 2-й пал. 1920-х працаваў сцэнарыстам на кінафабрыцы ў Ленінградзе. Пазней жыў у Мінску, займаўся творчай працай. Быў жанаты, гадаваў дзіця.

Арыштаваны ДПУ БССР у ліпені 1930 па справе «Саюза вызвалення Беларусі»; знаходзіўся пад следствам да лютага 1931.

Паўторна арыштаваны 28.10.1936 у Мінску па адрасе: вул. Вызвалення, д. 13, кв. 3. Асуджаны пазасудовым органам НКУС 2.10.1937 як «член контррэвалюцыйнай нацыянал-фашысцкай арганізацыі» і за «антысавецкую дзейнасць» да 10 гадоў ППК. Пакаранне адбываў у Томасінлагу, Унжлагу.

У Томасінглагу для аматарскага тэатра напісаў п'есу на тэму лагернага жыцця. Змест п'есы не спадабаўся лагернаму кіраўніцтву. В. Шашалевіч быў адпраўлены на лесапавал, дзе загінуў.

Рэабілітаваны Прэзідыумам Вярхоўнага суда БССР 19.10.1955. Асабовая справа В. Шашалевіча № 9934-с захоўваецца ў архіве КДБ Беларусі.