Катэгорыя:Расстраляныя 29-30 кастрычніка 1937

У ноч з 29 на 30 кастрычніка 1937 года ў сутарэннях мінскай унутранай турмы НКУС (г.зв. «амерыканкі») былі расстраляныя больш за 100 дзеячоў культуры, мастацтва і навукі, а таксама грамадскіх дзеячоў БССР. У ліку расстраляных былі 22 беларускія пісьменнікi. У гэтыя дні рэпрэсіі перыяду 1937-1938 у СССР дасягнулі ў Беларусі свайго піку.

У архіве прэзідэнта Расійскай Федэрацыі (АПРФ, вопіс № 24, справа № 411) захоўваецца «Спіс асобаў, падлеглых суду ваеннай калегіі Вярхоўнага суда Саюза ССР». Ён датаваны 7 верасня 1937 года і падпісаны І. Сталіным, В. Молатавым, Л. Кагановічам, К. Варашылавым, М. Яжовым. Спіс асуджаных па першай катэгорыі (да вышэйшай меры пакарання — расстрэлу) па Беларускай ССР налічвае 103 чалавекі, па другой катэгорыі (прыгавораны да 10 і болей гадоў зняволення ў канцлагерах) — 6 чалавек. Спіс па Беларускай ССР датаваны 15 верасня 1937 года і падпісаны І. Сталіным, В. Молатавым і начальнікам 8-га аддзелу Галоўнага ўпраўлення дзяржаўнай бяспекі СССР старшым маёрам дзяржаўнай бяспекі У. Цэсарскім.

Да першапачаткова спісу, які паступіў з Масквы, мясцовымі супрацоўнікамі НКУС БССР быў дададзены яшчэ шэраг асоб.

Спіс асоб, біяграфіі якіх невядомыя

• Аронаў Навум Мееравіч
• Бейлін Саламон Хаімавіч
• Белацаркоўскі Абрам Давыдавіч
• Варшаўскі Станіслаў Юльянавіч
• Васільеў-Вашчылін Рыгор Мікітавіч
• Габаеў Мойша-Нахім Ізраілевіч
• Габрусёў Апанас Сцяпанавіч
• Гейштэр Антон Міхайлавіч
• Гінзбург Якаў Яфімавіч
• Госін Абрам Мендзелевіч
• Дзмітраў Мікалай Андрэевіч
• Дракахруст Абрам Генрыхавіч
• Еленсон Гірш Борухавіч
• Зянковіч Аляксандр Сазонавіч
• Левін Аляксандр Самойлавіч
• Лейбін Піня Маісеевіч
• Лійценштэйн Сямён Давідавіч
• Лукашэнак Мікіта Сяргеевіч
• Марголін Міхаіл Саламонавіч
• Мелік-Шахназараў Андрэй Паўлавіч
• Мірлін Абрам Навумавіч
• Міснікаў Мікалай Данілавіч
• Мурзо Сяргей Мікітавіч
• Несцяровіч Іван Іванавіч
• Падсявалаў Іван Іванавіч
• Пурыс Ізраіль Лейзеравіч
• Пуцілоўскі Аляксандр Андрэевіч
• Разумоўскі Арон-Лейба Сімонавіч
• Самахвалаў Аляксандр Рыгоравіч
• Стрэле Георгій Уладзіміравіч
• Суроўцаў Мікалай Якаўлевіч
• Таненбаўм Мірон Барысавіч
• Трумпацкі Эля Хацкелевіч
• Фалкін Рыгор Якаўлевіч
• Фінкельштэйн Аба Альтэравіч
• Фломбаўм Яўсей Яўнотавіч
• Харлац Дзмітрый Сямёнавіч
• Шапіра Юдзель Ісакавіч
• Элькін Якаў Веніямінавіч